燙畫究竟好唔好?

一直以黎客人係我地到訂衫既時候都對燙畫依個圖案印刷方法有啲疑問，例如係會唔會好易甩，燙畫出到黎個手感係點樣，同埋應該點樣保養燙畫圖案會好啲，依家就等我地同大家續一解答。

會唔會好易甩？

最常見既問題就係燙畫會唔會好易洗幾次就甩出黎架？ 小編就係到話比人家知，其實燙畫係衫上面係唔係洗兩三次就即刻甩出黎既，除非客自己不斷刮個圖案，令到佢己經有一部份離開左件衫既表面，咁樣既情況之下圖案就會比較易洗甩。

除此之外，由於燙畫係將圖案用熱力燙落件到到，所以圖案同衫既接觸面愈大，圖案會燙得愈穏固，相反，如果衫係衫上面既圖案愈細，例如只係幾個好細既英文字母，就會相對容易洗甩。

點解仲要用燙畫？

近年燙畫既技術同材料既質素都有好大既進步。以往既燙畫材料比較硬身，如果客人需要印比較大既圖案，製成品會相對硬同埋唔透氣，著左衫上身隨時會覺得著左塊護心鏡係身上面咁。隨住科技既進步，燙畫既材料同埋技術都有好大既改進，例如我地公司最近期入既高清燙畫，即使燙一個範圍比較大既圖案都唔會太硬，而且切割圖案既精細度都比以住既高。如果對精細度好有追求既客戶仲可以用柯式燙畫，即使相對細既設計圖案都可以完美咁還完成實物。

燙畫可以做到咩效果？

一般既客戶都會用燙畫黎印刷啲顏色相對豐富既圖案，其實燙畫可以做到更多唔同既效果，例如反光，夜光，或者係鐳射都可以做到，新推出新既虹光膜，喜歡整獨特效果既客人一定唔可以錯過。而隨住科技既進步，燙畫圖案既技已經左一大步，依家燙畫更加推出左無邊燙畫，客人可以印刷細致既圖案而唔需要加邊。