fbpx

六大熱門班衫設計

六大熱門設計

唔知大家係設計班衫既時候係一下子就諗到心目中既設計定係要左諗右諗諗爆頭都未諗到個大方向出黎呢?為左幫大家可以加快諗Idea既速度,今次就整番篇熱門班衫設計比大家參考,等大家可以對自己既班衫有個大約既概念啦!

1.潑墨加毛筆字體

依個設計由早一兩年開始己經係班衫既常客,簡簡單單隨意既純色潑墨底,再加上自己諗既毛筆字體,己經可以十分突出設計。當然,如果想係設計上面落更加多既心思可以係潑墨上面著手,係潑墨加上唔同既色彩,例如漸變色或者係潑墨上加一個低圖。

熱門設計參與圖
熱門設計參與圖

2.圖案上加暗花底圖

如果唔想圖案只係印純色咁簡單,各位同學仔可以係圖案上面再加一個底圖。方法十分簡單,只要係準備你地既設計既同時準備多一張心水既底圖,張兩者結合就可以令你地既設計有更多既元素。而搵底圖既方法都唔會太困難,大家可以係我地既網站上面既參考圖案或者上網搵都可以架,如果想睇下你地既設計同底圖結合既效果可以去我地既自助設計到睇下,完全唔需要任何既專業軟件知識都可以做到。

熱門設計參與圖
熱門設計參與圖

3.全件印刷圖案

自從熱昇華既技術開始普及之後,好多係腦海入面天馬行空既設計都可以實現到,同學仔可以加入任何元素落去件衫到,例如暗花,漸變色。同埋全件印刷可以將圖案印刷係衫既任何一個位置,更加可以將任何既顏色印刷係衫既上面,而且只需要一個價錢就可以係衫上面任意印刷。

熱門設計參與圖
熱門設計參與圖

4.College Hoodie

喜歡經典既同學仔就一定唔可以錯過學院風格既設計,依個設計風格係由外國既學院流入黎既,當地既畢業年級學生都會訂造番一件寫住自己學校名既衫黎做紀念,同學仔都可以用番依個設計係自己既衫上面,將自己既班名,年份都印係你地既衫上面。

熱門設計參與圖

5.Pocket內印圖案

顧名思義,同學仔可以係圖衫袋入面加印一個圖案,就好似著西裝放條袋巾係衫袋入面咁樣,一部份放係衫袋入面,而另一部份就可以印係衫袋出面比人見到。同學仔將有代表性既圖案印係上面,例如覺得班主任十分好人,好有代表性既話可以印係上面,袋住班主任走圍去都得架。

熱門設計參與圖

6.印唔同圖案,名,號碼

如果係一班同學仔入面想每個同學都有袋表自己既元素係班衫上面,同學仔可以係每件衫上面印唔同既野上去,比較有創造力既同學仔可以印代表自己既圖案,如果想簡單的既話,加番自己名同埋號碼上去己經可以架喇!

熱門設計參與圖